Прекин на сообраќајот на патот Маврово-Дебар

На патниот правец Р1202 Маврово–Дебар на делот од Мелнички мост до  село Долно Косоврасти, поради изведување градежни работи на пат (асфалтирање), денеска  сообраќајот ќе биде во прекин во двата правци од  13.00 до 17.00 часот.

Сообраќајот на државните патишта се одвива пo наместа влажни коловози.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста  појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.  

Интензитетот на сообраќај на патните правци надвор од градските средини е умерен.

На граничните премининема подолги задржувања за влез и за излез од државата. Оваа информација се однесува за македонската страна на премините.скс/