Харадинај: САД треба да се вклучат во дијалогот меѓу Приштина и Белград
Претседателот на Алијансата за иднината на Косово, Рамуш Харадинај синоќа изјави дека САД треба да се вклучат во дијалогот меѓу Приштина и Белград.
- Европа не може сама да го реши проблемот без вклучување на САД. Америка мора да се врати во дијалогот меѓу Белград и Приштина, истакна Харадинај за приштинската ТВ КЛАН.
Тој додаде дека не е против дебата со Белград бидејќи дијалогот е „инструмент за прашањата меѓу соседите“.
Харадинај посочи дека нема да прифати нееднаков дијалог, „без реципроцитет“, како и дека со „Србија не може да се разговара за интерни прашања и теми за Косово“.
Харадинај е кандидат за премиер на коалицијата помеѓу Алијанса за иднината на Косово, Демократската партија на Косово и Иницијатива за Косово, а Србија го обвинува за злосторства над српското и неалбанското население за време на војната.
Ново на Сител
-
Учениците од утре на пролетен распуст, наставата ќе продолжи на 7 мај
-
Изборната кампања за двојните избори влегува во втората половина
-
Денеска е Цветници
-
Демократскиот сојуз ќе го одржи седмиот Конгрес
-
Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце
-
Најмалку пет лица загинаа во торнадо во јужна Кина
-
Зеленски: На Украина и требаат најмалку седум ПВО системи „Патриот“
-
Сончево и релативно топло