Николовски се сретна со претставници на германската банка КfW
Министерот за земјоделство, шумарство и водостопанство Љупчо Николовски денеска оствари прва средба со делегација од регионалната канцеларија на германската кредитна банка за инвестиции (КfW), предводена од директорката Естер Гравенкотер, соопшти ресорното Министерство.
На средбата директорката Гравенкотер информираше за активностите на банката во Македонија со посебен акцент на Проектот Јужновардарска долина-втора фаза.
За подобрување, забрзување и за реализација на Програмата, беа договорени неколку чекори, почнувајќи од побрз пренос на инфраструктурата, односно на системите за наводнување од АД Водостопанство на РМ на новоформираните земоделски задруги. Беше договорено и интензивирање на градежните активности на системите за наводнување во валандовскиот регион со цел побрзо ставање на сиситемите за наводнување за редовно обезбедување на квалитетна вода за наводнување и намалување на влијанието на климатските промени.
Министерот Николовски истакна дека во следниот период ќе направиме напори за непречена реализација на Проектот кој што е од исклучителна важност за земјоделците од овој регион и ќе можат да наводнуваат над 2 000 хектари земјоделско земјиште, соопшти Министерството за земјоделство, шумарство и водостопанство.
Ново на Сител
-
Десеттина пелагониски села без вода
-
Мерц: Германија ќе одигра одлучувачка улога во испораката на американско оружје на Украина, преку НАТО
-
Конференција „Финансиска отчетност на изборите“ во организација на ДЗР
-
Зеленски: Имав многу добар разговор со Трамп за подготвеноста да ја поддржи Украина
-
На ГП „Богородица“ за излез од државата се чека 20 минути
-
Сончево и топло, попладне локална нестабилност со пороен дожд и грмежи
-
Превртена приколка од камион го блокира патот Истибања – Македонска Каменица, сообраќајот во прекин
-
Во среда авионска дезинсекција против комарци во Скопје