Николовски: Претходната влада продала 21.000 тони пченица од државните резерви по шест денари за килограм
Дополнителни субвенции или интервентен откуп, се двете опции за непречен откуп на пченицата, но која од нив ќе биде најсоодветното решение ќе се знае по анализите на терен и разговорите со засегнатите страни, соопшти денеска министерот за земјоделство, шумарство и водостопанство Љупчо Николовски.
Според него, причина за дисбаланс на пазарот е одлуката на претходната влада која во мај годинава продала 21.000 тони пченица од државните резерви. Пченицата била купена по 14 денари за килограм, а е продадена по шест.
- Оваа непромислена одлука на претходната влада оди на директна штета на земјоделците и таа го прави дисбалансот на пазарот, истакна Николовски.
Како што информира, до крајот на овој месец ќе се знаат производната и пазарната цена. Тоа ќе биде еден од показателите за преземање соодветна мерка, а паралелно се следи и состојбата на терен. Исто така, овие денови ќе се одржи заедничка средба со производителите и откупувачите на која ќе бидат соопштени предвидените политики.
- Се прават последните анализи на ниво на потсекторски групи. Не сакаме да шпекулираме околу цената на пченицата, да даваме паушални изјави, без соодветни истражувања, подвлече министерот Николовски.
Годинава, рече, се засеани околу 74.000 хектари лебно жито или 6.000 помалку од лани. Главната причина за намаелните површини се неповолните временски услови.
Ново на Сител
-
УЈП: Преземаме активности со цел даночните обврзници непречено да ги исполнат законските обврски
-
Се утврдува актуелната состојба и реалните можности за Скопското кале да се отвори и стави во активна културна функција
-
Министерството за надворешни работи го одбележа Меѓународниот ден на сеќавање на жртвите на холокаустот
-
Алкараз го победи Де Минаур и се пласираше во полуфиналето на Австралија oпен
-
АХВ: Итно се повлекува формулата за доенчиња Аптамил АР 2, потрошувачите кои ја купиле да не ја користат или да ја вратат
-
МЕД: Попишани над 35 300 единки од 44 различни видови водни птици на трите природни езера во Македонија
-
Во Зубин Поток запленети 140 килограми експлозив
-
ЦУК: Во Струмичкиот регион состојбата е стабилизирана, опаѓа водостојот на реките Струмица и Тркања, со механизација се интервенира на критичните локации
