Николовски: Нема проблем со откупот на лубениците
Нема никаков застој во откупот на лубениците. Дневно се преземаат по 500 тони, а наши екипи се постојано на терен и ја следат состојбата, изјави денеска министерот за земјоделство Љупчо Николовски.
Одговорајќи на новинарски прашања по завршниот настан од проектот на Агенцијата за храна и ветеринарство за поефикасни контроли во делот на безбедноста на храната, Николовски напомена дека ако за која било култура, вклучително и лубениците, се процени дека има потреба, Владата соодветно ќе реагира, како во случајот со доматите.
- Во откупот на лубениците нема апсолутно никаков застој. Не е точно ниту дека земјоделците се незадоволни од односот на Владата зашто во секој еден случај, кога ќе се оцени дека е потребно, се носат дополнителни мерки како оние за праската, грозјето, пченицата,...рече министерот.
Според него, покрај интервентните, се носат и мерки кои на долг рок треба да ги решат проблемите.
Во врска со пченицата, Николовски истакна дека производната цена се уште не може да биде објавена зашто допрва треба да почнат жетвата и откупот.
- Очекувам постојано да се зголемува цената на пченицата пред откупот. Лани стоковните резерви од пченица се продаваа по шест денари пред жетвата што доведе до спуштање на цената. Сега Владата тоа не го дозволи, потенцира Николовски.
Министерството, дополни, навреме ги обезбедува субвенциите, кога им се најпотребни на производителите, ги следи состојбите и одржува континуирани средби со сите засегнати страни, лозарите, градинарите, производителите на пченица, винарите, преработувачите, мелничарите.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат