Николовски ја „спакува“ Димова: Ако не си поднесе оставка Владата ќе ја разреши
Директорката на Националната агенција за европски образовни програми и мобилност Лидија Димова веќе може да почне да си ги пакува личните работи од својата канцеларија бидејќи Владата најави дека нејзиниот ангажман таму ќе трае до првата наредна седница бидејќи тогаш, Вицпремиерот задолжен за борба против корупцијата ќе достави предлог за нејзино разрешување.
„Директорката Лидија Димова, смета дека не треба да даде оставка, но јас имам спротивен став. На наредната владина седница ќе побарам оставка и разрешување на директорката на Националната агенција за европски образовни програми и мобилност – напиша вицепремиерот Љупчо Николовски на социјалните мрежи.
Димова претходно на прес-конференција рече дека не дава оставка и оти за програмата „Еразмус плус“ може да аплицира секој. Денеска во телефонски разговор не сакаше да даде никаков коментар. Кратко рече дека не знае што се случува во моментов.
Случајот го истражува и финансиската полиција и антикрупциска а своја истрага води и Европската Комисија.
Скандалот во чиј центар е Димова изби на почетокот на минатата недела кога медиумите објавија дека фризерница од Скопје добила 270.000 евра европски пари а дополнително пари се делеле и за тренирање на магариња. Медиумите објавија дека Димова откако станала директорка за Агенцијата купила две луксузни возила за кои граѓаните платија 90.000 евра.
Александар Спасовски
Ново на Сител
-
Тема на денот со Марјан Ненов од движењето Стоп извршители
-
Почина родилка во кумановската болница, новороденчето на интензивна на Детска
-
Струмица и шест села останаа без исправна вода за пиење
-
Законот за нефер трговски практики стапи на сила, поевтинување нема
-
Софија одби медијаторство на Орбан во разговорите со Скопје, различни анализи што всушност понуди унгарскиот премиер
-
ВМРО-ДПМНЕ: Државниот ревизор утврдил сомнителни набавки од Владата на СДСМ
-
Расте потребата од образовни асистенти
-
Пристап до безбеден абортус е здравствено право на секоја жена