Николовски-Брнз: Актите на Бајден се охрабрувачки пораки за стабилен Западен Балкан
Вицепремиерот задолжен за борба против корупцијата Љупчо Николовски и американската амбасадорка Кејт Брнз на денешната средба разговарале за Извршната наредба на претседателот на САД, Џо Бајден, со која им се дава овластување на сојузните власти да блокираат имот и да им забранат влез на сите лица за кои администрацијата во Вашингтон ќе оцени дека работат на дестабилизација и против клучните договори во регионот на Западниот Балкан, вклучително и Република Македонија.
Од Кабинетот на вицепремиерот информираат дека Николовски изразил задоволство што во Извршната наредба е ставен фокус и на борбата против корупцијата, што е еден од врвните приоритети на Република Македонија. Во тој контекст, вицепремиерот Николовски ја известил амбасадорката Брнз за мерките и активностите што Владата на РМ ги презема за спречување на корупцијата, како и за реализацијата на владиниот План за борба против корупција.
-Амбасадорката Брнз ја потенцираше важноста од преземање мерки за борба против корупцијата, што е во интерес на сите граѓани на Македонија, но истовремено е важно за евроинтеграцискиот напредок на државата. Исто така, амбасадорката Брнз, ја потврди поддршката на САД за Македонија и нејзините граѓани на евроатлантскиот пат, соопштуваат од Кабинетот на Николовски.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња