Незири - Маѓар: Се продлабочува соработката меѓу Македонија и Унгарија
Интензивирање на економската соработка и поголема трговска размена треба да биде задачата на Мешовитиот комитет, констатираа денеска министерот за економија Беким Незири и државниот секретар за економска дипломатија на Унгарија Левенте Маѓар.
Незири е домаќин на унгарската делегација предводена од Маѓар која претстојува во Македонија на подготвителен состанок за Мешовитиот комитет, кој треба да се одржи до крајот на годината.
- Состојбата со билатералната трговска размена, според нашите статистички податоци, покажува дека извозот од Република Македонија за првите пет месеци оваа година порасна за 63 отсто во однос на истиот период лани, додека за жал, увозот од Унгарија има пад од 58 проценти. Задачата на Мешовитиот комитет треба да биде во насока да се изнајде начин размената што повеќе да расте и да се надмине состојбата со пад на унгарскиот увоз во Македонија, рече министерот Незири.
Одржувањето редовни седници, додаде, е вистинскиот начин за континуирано унапредување на економската соработка и трговската размена меѓу двете земји, која во 2014 година достигна раст од околу 60 отсто, споредено со претходните години, и обем од 102 милиони долари.
Незири и Маѓар се согласија дека позитивен сигнал за натамошно продлабочување на економската соработка е одржувањето на Третата седница на Мешовитата македонско-унгарска комисија до крајот на 2015 година според Договорот за економска соработка.
Седниците на Мешовитиот комитет по потпишувањето на Договорот за економска соработка во 2011 година меѓу Македонија и Унгарија редовно се одржуваат, а на денешниот подготвителен состанок се дефинираа темите за кои постои реален интерес за продлабочување на соработката.
Државниот секретар за економска дипломатија изрази поддршка за идејата во рамки на Третата седница на Мешовитиот комитет да се одржи и Бизнис форум во Будимпешта.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација