Нетанјаху: Денешното судење е обид да бидам соборен од власт
Израелскиот премиер Бенјамин Нетанјаху го нападна денеска правосудниот систем во државата, нагласувајќи дека судскиот процес против него за корупција претставува обид тој да биде соборен од власт.
Нетанјаху откако пристигна во судот во Ерусалим, пред почетокот на судењето, изјави дека овој процес е обид да се елиминира волјата на народот.
Тој ги обвини полицијата и обвинителството за заговор против него, а тврдењата ги нарече „контаминирани и предимензионирани“.
Голема група демонстранти и новинари се собраа денеска пред судската зграда во Ерусалим. Пред судот се наоѓаат и приврзаници и противници на израелскиот премиер, а присуство најавија и неколку министри од партијата Ликуд.
Нетанјаху е првиот израелски премиер кој се соочува со кривично гонење додека е на власт, во случајот кој тој го нарекува „политички лов на вештерки“. Тој се појавува пред суд само една недела откако положи заклетва на почетокот од неговиот петти мандат.
Израелскиот премиер во ноември минатата година е обвинет за поткуп, измама и проневера во три случаи. Меѓу другото, тој се товари и за примање подароци од пријател милионер и вршење услуги за сопственици на медиуми во замена за позитивно известување.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција