Непознати лица нападнале мигранти во Грција

Непознати лица нападнале мигранти во близина на новото пристаниште во градот Патра, на Пелопонез.

Според првичните информации, мигрантите, кои привремено биле сместени во фабрика во близина на пристаништето, биле нападнати при што тројца се повредени и се наоѓаат во болница.

Во тек е истрага за инцидентот, при што полицијата уапсила неколку лица. Околу пристаништето има засилено полициско присуство, затоа што владее големо незадоволство против мигрантите.