Неофицијално: Неда Арнериќ скокнала од третиот кат

Српската актерка Неда Арнериќ (63) паднала синоќа околу 22.20 часот од третиот кат на зградата во Дубљанска улица 11 на Врачар каде живеела.

Според неофицијалните информации Неда Арнериќ паднала од терасата врз лимениот покрив на локалот во приземјето на зградата.

Таа со тешки повреди е префрлена во Ургентниот центар.

Според првичните сознанија актерката се здобила со скршеница на петтиот вратен пршлен и дванаесетиот граден пршлен. Таа е сместена во шок соба на Ургентниот центар.

Како што јави ТВ Пинк според неофицијални информации српската актерка наводно се обидела да се самоубие.

Полицијата засега не излезе со околностите за овој случај и не издаде никакво официјално соопштение.