-->
-->
Неделата за грижа на стари лица одбележана во Велес
-->
Под мотото „Сите сме нивни деца“ Општина Велес, Советот на млади и Здружението на пензионери ја одбележаа Неделата за грижа на стари лица.
Нивни претставници денеска имаа средба со стари лица во велешките села Кумарино, Отовица и Сујаклари и им поделија хуманитарни пакети со прехранбени производи.
Посетата во селото Отовица беше реализирана во Клубот на пензионери кој годинава беше реновиран, а во селата Кумарино и Сујаклари старите лица беа посетени во нивните домови.
При посетата беше и велешкиот градоначалник Славчо Чадиев кој ги сослуша и разговараше за нивните потреби и барања.
Во изјава за медиумите Чадиев истакна дека хуманитарната помош е симболична, но она што е поважно е да се испрати пораката дека треба да се грижиме за старите лица.
- Впрочем, и мотото на акцијата „Сите сме нивни деца“ го покажува тоа. Едноставно е потребно да им ја вратиме грижата која тие ни ја давале. Ние како Општина Велес имаме и проект за активно стареење, со кој ја промовираме меѓугенерациската соработка, рече Чадиев.
Организаторите најавија дека вакви посети на стари лица во велешките села ќе имаат континуирано и во наредниот период.
-->
-->
-->
Ново на Сител
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа