„Не ме фарбај“: Бојата се чисти, но срамот не!

Вандализираните културни обележја кои изминативе неколку недели беа уништени со боја од страна на демонстрантите на Шарената Револуција организирани од СДСМ и Сорос, денеска се чистат од страна на службите на Град Скопје.

Бојата излегува тешко, за она што е уништено ќе биде потребен труд и време за да се доведе до нормален изглед, а токму затоа десетици граѓанки излегоа да им помогнат на службите во чистењето на спомениците во главниот град.

-Ова е спонтан собир на група жени кои што сакаат да дадат допринос на Град Скопје, во чистењето на спомениците кои што беа оштетени од страна на вандалите.

Жените на себе носеа маички со пораката „Не ме фарбај“ а испратија уште една порака.

-Пораката до сите е да не се оштетува културното наследство она што треба да остане за понатамошните генерации. Спомениците се за нас и  за странците кои доаѓаат да ги видат. Градот треба да биде убав и чист.

Покрај спомениците во Жена Парк се чистеше и Порта Македонија, како и лавовите на мостот „Гоце Делчев“.

-Тука сме до го исчистиме она што се случува денеска со спомениците. Ние како граѓани на Република Македонија не го одобруваме ова. Сепак нешто убаво е направено, нешто со кое што ние Македонците се гордееме.

-Сакаме да го исчистиме тоа што некој наши сограѓани, ако можеме да ги наречеме сограѓани, го уништуваат. Го уништуваат убавото во нашиот град.