-->
-->
НБА: „Вориорс“ победија во дербито со С.Антонио
-->
Кошаркарите на Голден Стејт славеа во дербито против Сан Антонио 112:101 и ја забележаа 70-та победа во сезоната. Актуелните шампиони доколку победат на последните три натпревара ќе го соборат рекордот на Чикаго од 1995/96 (72 победи и 10 порази). До крајот на сезоната Голден Стејт ќе гостува во Мемфис и Сан Антонио, а во последниот меч од регуларниот дел од сезоната ќе го пречека Мемфис.
Екипата на Стив Кер против главниот конкурент за титулата одигра исклучително ефикасно, а Сан Антонио пристоен пораз избори во финишот кога стартните петорки на двата тима не беа на теренот.
Стратегот на Спарси, Грег Поповиќ, пред еден месец, кога тимовите играа во Сан Антонио, успеа да го задржи Стеф Кари, но овојпат бекот на шампионот беше речиси незаприлив, тој постигна 27 поени (11/19 од поле). Ефикасен беше и Харисон Барнс (21 поен), додека Дрејмонд Грин имаше учинок од 18 поени, шест скокови и седум асистенции.
Во редовите на гостинскиот тим само Кавај Ленард беше расположен за игра, најдобриот дефанзивец во лигата постигна 23 поени.
Хјустон и Чикаго пред почетокот на сезоната беа најавувани како тимови кои ќе се борат за висок пласман, но на три натпревара до крајот на сезоната овие два тима на минимум ги сведоа своите шанси за настап во плеј офот.
Хјустон загуби од Феникс 115:124, додека Чикаго загуби во Мајами 106:98. Хјустон сега има скор 38-41 и ќе мора да победи на преостанатите три средби, но во исто време и ќе очекува Далас (40-38) и Јута (39-39) да загубат некој натпревар.
Чикаго е деветти на Истокот (39-40), а пред него се Детроит (42-37) и Индијана (42-36).
-->
-->
-->
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата