Кошарка
20. March 2016 - 9:45

НБА лига: Одбраната на Сан Антонио го запре шампионот

Кошаркарите на Сан Антонио ја продолжија серијата без пораз на домашен терен во регуларниот дел од сезоната откако пред своите навивачи го совладаа првакот Голден Стејт и со тоа му го нанесоа седмиот пораз сезонава. Сан Антонио ја постигна 35.та победа дома, а двата тима со моменталиниот скор Голден Стејт 62-7 и Сан Антонио 59-10 можат да го изедначат и соборат рекородот на Чикаго Булс од сезоната 1995.96 кога имаше 72 победи и 10 порази.

Сан Антонио натпреварот го доби откако успеа да го запре нападот на Голден Стејт и шампионот само во една четвртина постигна повеќе од 20 поени (17:18; 26:19: 22:28 и 22:14).
Најдобар поединец беше Ламаркус Олдриџ 26 поени и 13 скокови, додека ударниот тандем кај Голден Стејт Стеф Кари и Клај Томсон постигнаа 15 односно 14 поени.
Од другите дуели за одбележување е 14.тиот „трипл-дабл“ за Расел Вестбрук и тоа што Двејн Вејд ја мина границата од 20.000 поени.
Резултати:
Сан Антонио - Голден Стејт 87:79,
Мемфис - ЛА Клиперс 113:102,
Чикаго - Јута 95:85,
Мајами - Кливленд 122:101,
Атланта - Хјустон 109:97,
Вашингтон - Њујорк 99:89,
Индијана - Оклахома Сити 111:115, 
Детроит - Бруклин 115:103, 
Шарлот - Денвер 93:101.

Популарно од Кошарка

Ново на Сител

© 2025 Сител Телевизија