-->
-->
НБА: Кари се врати со 23 поени
-->
Еден од најдобрите играчи во НБА лигата Стеф Кари по пауза од четири месеци и пропуштени 58 натпревари се врати во тимот на Голден стејт Вориорс, но не успеа да му помогне на тимот да избегне пораз од Торонто Репторс 121:113.
Вориорс пред своите навивачи успеаја да им пружат добар отпор на актуелните шампиони, но без Клеј Томпсон и Дрејмонд Грин не можеа да приредат изненадување.
Кари мечот го заврши со 23 поени и по седум скока и асистенции, постигна три тројки од 12 обиди. Ист број на поени кај Вориорс забележа и Делион Ли, додека Ендру Вигинс постигна 21 поен.
Репторс ги предводеше Норман Пауел со рекордни во кариерата 37 поени, Кај Лаури запиша 26 поени и 10 асистенции.
Во Лос Анџелес, Клиперс во дербито го декласираа Хјустон со 120:105. Конечниот резултат не го отсликува она што се случуваше на теренот бидејќи Клиперс во последниот период имаа предност од 30 поени (107:77).
Каваи Ленард забележа 26 поени, шест скока и пет асистенции, Мотрезел Херел постигна 19, а Ивица Зубац 17 поени и 12 скока.
Екипата од Тексас ја предводеше Расел Вестбрук со 29 поени, 15 скока и пет асистенции, додека Џејмс Харден уфрли само 16 поени.
Денвер Нагетс со многу труд успеаја да го скршат отпорот на Шарлот Хорнетс 114:112. Клучен човек на Нагетс беше Никола Јокиќ кој осум од своите 14 поени постигна во последните пет минути, а последните поени на мечот ги постигна Џамал Мареј на шест секунди до крајот.
Мареј со 18 поени ги предводеше Нагетс, два поени помалку реализираше Вил Бартон.
-->
-->
-->
Ново на Сител
-
Муцунски: Наскоро ќе почнат консултациите за нови амбасадори и пополнување на местата во конзулатите
-
Нови израелски напади врз областа околу Бејрут
-
Приведено лице за издржување на тригодишна казна затвор
-
Промена на времето со значителен пад на дневната температура
-
Санкции за правно и физичко лице поради неправилности при јавен превоз со товарно возило
-
Почина родилка во Куманово
-
Казнети три ресторани и месарница во Кавадарци, уништени 87 килограми небезбедна храна
-
Најмалку десет загинати и 11 повредени во експлозија на бензинска пумпа во Русија