НБА: Далас „прокоцка“ 30 поени и загуби во Торонто
Кошаркарите на Торонто, Милвоки, Бостон и Оклахома забележаа победи изминатата ноќ во НБА лигата.
Актуелните шампиони Торонто Репторс на импресивен начин славеа над Далас Маверикс 110:107. Репторс победија иако во еден дел од третата четвртина Далас имаа предност од 55:85.
Репторс одиграа фуриозна последна четвртина која ја добија со 47:21.
Кајл Лаури ги предводеше Репторс со 32 поени, осум скока и десет асистенции. Кај Далас се истакна Кристапс Прозингинс со 19 поени и 12 скока.
Бостон Селтикс немаа никакви проблеми во пресметката со Шарлот Хорнетс 119:93. Џејсон Тејтум го одигра мечот на кариерата, постигна 39 поени на кои придодаде 12 скока, Кемба Вокер постигна 23, а Џејлен Браун 16 поени.
Лесна и убедлива победа забележаа Милвоки Бакс против Индијана Пејсерс (117:89). Јанис Адетокумбо беше на чекор до трипл-дабл (19 поени, 19 скока, девет асистенции), а по 17 поени постигнаа Брук Лопез и Џорџ Хил.
Кај Индијана Домантас Сабонис доминираше со 19 поени и 18 скока.
ЛА Клиперс беа Каваи Ленард не успеаја да и се спротивстават на Оклахома. Тандер победија 118:112 благодарение на Шеј Гилџус-Александер (32 поени) и Денис Шрудер (28 поени). Пол Џорџ против својот поранешен тим постигна 18 поени, колку што постигна и Монтрезл Херел.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри