НБА: Блесок на Харден против Клиперси

Седум натпревари се одиграа изминатата ноќ во НБА-лигата. Џејмс Харден блескаше против ЛА Клиперс, Бостон ја продолжи победничката низа, ЛА Лејкерс лесно се справи со Голден стејт Ворирос.

Хјустон во својот „Тојота центар“ славеше над Лос Анџелес Клиперс 102:93. Речиси половина од поените на Хјустон ги постигна Џејмс Харден. Брадата, како што го викаат, забележа 47 поени (12/26 за три), шест скока, седум асистенции.

На спротивната страна се истакна Каваи Ленард со 26 поени, 12 скока и седум асистенции. Клиперс последните неколку минути беше без тренерот Док Риверс, кој беше исклучен од натпреварот.

Бостон Селтикс ја запиша деветтата победа во низа. Пред Селтикс падна Вашингтон Визардс 140:133.

Мечот го обележа играчот на Вашингтон, Вредли Бил, со 44 поени. Бостон го предводеа Кемба Вокер (25 поени), Џејсон Тејтум (23 поени).

Лејекрс без многу труд славеше во дуелот со Голден стејт 120:94. Лејекрс на овој меч беше без Ентони Дејвис, но ниту тоа не го спречи да забележи лесна победа.

Леброн Џејмс забележа 23 поени и 12 скока, два поена помалку кај Вориорс постигна Дианџело Расел.

Резултати:

Шарлот-Мемфис 117:119
Орландо-Филаделфија 112:97
Минесота-Сан Антонио 129:114
Портланд-Торонто 106:114