Навреме почна гласањето во Битола и Ресен

На подрачјето на општина Битола, точно во 7 часот отворени се 170-те гласачки места на кои може да гласаат 83.616 граѓани евидентирани на единствениот избирачки список.

Претседателот на ОИК-Битола Зоран Насев потврди дека гласањето почна навреме и се одвива без пречки.

И Општинската изборна комисија во Ресен потврди дека почнаа локалните избори во таа општина. 

Се гласа на 50 избирачки места, а право на глас имаат 17.113 граѓани евидентирани во единствениот избирачки список.