Научниците ги повикаа владите да ја зголемат законската возраст за пушење на 22 години
На младите луѓе треба да им се забрани да купуваат тутунски производи до 22-годишна возраст, сугерираат научниците откако истражувањето покажало дека оние кои почнуваат да пушат пред 20-тата година потешко се откажуваат од цигарите.
Научниците веруваат дека законското зголемување на минималната возраст ширум светот може да ја намали зависноста од никотин. Тимот од Јапонија набљудувал 1.382 пушачи кои посетиле клиника за откажување од пушење во Кјото.
Пациентите биле поделени во две групи врз основа на возраста на која почнале да пушат – помлади од 20 години или 20 години и постари.
Вкупно 556 пушачи почнале да пушат пред да наполнат 21 година, што е законска возраст во Јапонија, додека 826 од нив почнале кога наполниле 20 години. Оние кои ја започнале оваа навика пред 21-та година пријавиле дека пушат 25 цигари на ден во споредба со 22 дневно во групата која почнала да пушат подоцна.
Оние кои почнале порано, исто така, имале повисоки респираторни нивоа на јаглерод моноксид во здивот. Од оние кои рано почнале да пушат, 46 отсто успешно се откажале, во споредба со 56 отсто од оние кои почнале да пушат на возраст над 20 години. Наодите беа презентирани на Конгресот на Европското здружение за кардиологија (ESC) 2023 година во Амстердам.
– Нашите резултати покажуваат дека раното започнување со пушење е поврзано со поголема зависност од никотин, дури и во младата зрелост, рече авторот Д-р. Коџи Хасегава од Медицинскиот центар Кјото.
– Студијата покажува дека зголемувањето на законската возраст за купување тутун на 22 или повеќе години може да доведе до намалување на бројот на зависници од никотин и изложени на ризик од негативни здравствени последици.
Во повеќето земји во светот мора да имате над 18 години за да купите цигари, додека во некои американски држави мора да имате најмалку 21 година.
Ново на Сител
-
Пендаровски: Со своето дело Св. Климент Охридски остави трајно наследство коешто изобилува со духовност и со мудрост
-
Американското Министерство за правда поднесе ново обвинение против Хантер Бајден
-
254 санкционирани возачи во Скопје, 53 за брзо возење
-
Се празнува Св. Климент Охридски - изворот на нашата духовност и образование
-
Барањето за екстрадација на Љупчо Палевски испратено до турските власти, определен 30-дневен притвор на возачот кој го пренел до Турција
-
Заврши скрининг процесот – заокружена првата фаза од целта за членство во ЕУ до 2030 година
-
Претседателот на Иран ги обвини Израел, Западот и САД за подршка на геноцидот врз Палестинците во Газа
-
Силен земјотрес го погоди главниот град на Мексико