Свет
13. July 2017 - 18:31

НАТО и Русија остануваат на различни ставови, но со поблаг тон

Генералниот секретар на НАТО, Јенс Столтенберг изјави дека денеска Русија на Алијансата и претставила податоци за претстојната воена вежба „Запад“.

На седница на Советот НАТО-Русија во Брисел претставник на Москва информирал за бројнноста на војниците и техниката, вклучени во воената вежба. Во текот на седницата биле претставени податоци за учеството на Белорусија.

- Охрабрен сум, тој дијалог може да продолжи, за да го зачуваме мирот и безбедноста, рече Столтенберг. Тој ја означи денешната средба како „фер и корисна“, а дијалогот, како „тежок, но суштински“.

Столтенберг додаде дека опасните фаќања на радар на авиони над Балтикот веќе се исклучок. - Радарското регистрирање е вообичаено, важно е сето тоа да не биде опасно. Државите, сопственици на авиони се одговорни за начинот на употребата на леталата. Треба да го потенцирам постигнатиот напредок, додаде тој. 

Столтенберг изјави дека Русија и НАТО имаат спротивставени ставови за Украина. Според него не се забележува неспоредната закана кон некои држави од НАТО. Столтенберг додаде дека нема промени во однос на Украина. - НАТО и Киев продолжуваат по патот на партнерството, рече тој.

Столтенберг посочи дека НАТО и Русија имаат заеднички интерес да поддржат влада на национално единство во Авганистан. Како одговор на прашање тој додаде дека Сирија не била меѓу темите на денешните разговори.