Настрада еден од најстарите штркови
Настрада еден од најстарите штркови кој секое лето го краси големото гнездо над градската пошта во Делчево.
Откако пред неколку дена работници кои го градат новиот пешачки мост ја забележале повредената птица, веднаш била прегледана од ветеринар.
Според ветеринарот Николчо Стојменовски кој ја направи хируршката интервенција, штркот имал тешка повреда на левото крило.
-На повик на лица од Општината, откако претходно случаен минувач го забележал, штркот го згриживме и веднаш пристапивме кон санација на повредата. Беше забележлива отворена рана под крилото по што следуваше нашата интервенција. Птицата потоа ја сместивме во стационар во ветеринарната станица „Здравје“ каде остана да се опоравува, информира Стоименовски.
Но, повредата сепак била кобна по животот на најстариот штрк во Делчево.
-За жал, штркот им подлегна на повредите, иако хируршката интервенција беше беспрекорно изведена, сепак повредата на крилото беше од поголем обем, рече ветеринарот Слободан Димитровски.
Во Делчево и по целата долина на река Брегалница, штрковите често се гнездат.
Гнездото направено од штркови над градската пошта во Делчево, по она во Чешиново-Облешево е едно од најголемите направено од птица во Источна Македонија.
Ново на Сител
-
Од понеделник благо опаѓање на температурите и краткотрајни поројни врнежи
-
Град Скопје: Немаме надлежност за дератизација или постапување во случаи со змии, други влекачи или глодари
-
Со над 20 тони вода дејствувано врз пожар во Кичевско
-
Загина 30 годишна Македонка во сообраќајна несреќа Солун, повредени уште три лица | ВИДЕО
-
Цистерна се извртела на автопатот Градско - Велес, сообраќајот пренасочен по стариот пат
-
Жител на Општина Студеничани му се заканувал на својот сосед со гасен пиштол и стрелал во воздух
-
Без струја Тирана и повеќе други градови во Албанија
-
Борел: Европа не е целосна без Западен Балкан