Наставата во општина Гостивар започна во сите училишта
Во Гостивар новата учебна година започна во сите единаесет основни и четири средни училишта и во подобрени услови, информираат од секторот за образование во општина Гостивар. Конечната бројка на запишани првачиња се очекува да биде позната нареднава недела и таа да надмине 700.
На првиот час на околу сто првачиња во ОУ „Единство“ во Гостивар, присуствуваше и градоначалникот Невзат Бејта, кој на дечињата им посака успех во школувањето и ги истакна заложбите на локалната самоуправа да се подобрат условите во училиштата.
- Децата се нашата иднина и иднината нашиот град, а таа зависи од нив. Токму затоа вреди да се инвестира во нив и условите во кои ќе образуваат. Како локална самоуправа изминативе години вложивме многу во подновување и реконструкции на училишните згради, рече Бејта на свеченоста на првиот училишен час во ОУ „Единство“
Вкупната бројка на ученици кои ќе посетуваат настава во новата учебна година во основно и средно образование во општина Гостивар се очекува да биде околу десет илјади.
Ново на Сител
-
Филипче: Минимална плата 27.700 денари
-
Ибраимовски: Фрлена бомба врз штабот на ПЦЕР во Тетово
-
Неевидентирани лица од други општини сакаат да добијат бесплатен кров над глава во Штип
-
Расте бројот на ученици во стручното образование
-
Преглед на вестите од светот
-
Тема на денот со д-р Никола Пановски
-
ИЈЗ: Четворица вработени на ЗОО под надзор, еден ќе се тестира за птичји грип
-
Партиски реакции: Одговорност за Арсовска за птичјиот грип во зоолошка