НАСА мораше да ја смирува паниката: Нема денеска да не удри астероид!

Луѓето се избезумени откако повеќето медиуми јавија дека денеска, на католички Божиќ покрај Земјата ќе помине астероид и најверојатно ќе ја погоди..

Мораше да се огласи лично НАСА за да ги демантира гласините.

Еве што е вистина: Астероидот 2003 SD220, со обем од околу 1 километар, навистина ќе помине покрај Земјата, но тоа „покрај“ треба да се сфати условно: станува збор за раздалеченост од 11 милиони километри.

-Најмногу што овој астероид ќе се приближи до Дедо  Мраз и неговите ирваси е околу 28 пати поголема од оддалеченоста меѓу Месечината и Земјата, објаснува Пол Чодас, шеф на Службата за објекти близу Земјата.

Овој астероид повторно ќе пролета покрај Земјата 2018 година, и тогаш ќе биде најблиску до нашата планета, ќе помине на 2,7 милиони километри, додава Ленс Бенес, шеф за истражување на астероиди.