НАСА и „Спејс-Икс“ ја лансираа мисијата „ПАЦЕ“
Американската приватна вселенска агенција „Спејс-Икс“ лансираше сателит за истражување на животната средина за НАСА. Вселенското летало вредно речиси милијарда долари коешто преживеа повеќе можности за откажување, сега е подготвено да трага по нови сознанија за климатските промени.
Според НАСА и нејзиниот проект - „Планктони, аеросол, облаци, океански екосистем - ПАЦЕ“, податоците ќе помогнат подобро да се разбере, на пр. - како океанот и атмосферата разменуваат јаглерод-диоксид, а ќе се открие и како аеросолите може да го поттикнат растењето на фитопланктонот на површинсата на океанот. Одложена за два дена поради силните ветрови на местото на лансирање, мисијата почна денеска, со помош на ракета „Спејс-Икс фалкон 9“. Таа заедно со сателитот полета од космодромот кај Кејп Канаверал, Флорида, САД.
- Океаните покриваат 70 отсто од површината на планетата, но сепак тие се еден од најмалку истражените делови од Земјата. ПАЦЕ длабоко ќе ги унапреди нашите сознанија за тоа како функционираат океаните и каков е животот во океаните, изјави Карен С. Жермен, директорка на Одделот за науки за Земјата на НАСА.
Приредувајќи спектакуларно шоу, „Фалкон 9“ се оддалечи на јужна траекторија над Атлантскиот Океан недалеку од источниот брег на Флорида.
Ново на Сител
-
Средба на историската Комисија во Атина
-
Тема на денот со Ивица Томовски, директор на СОЗР
-
Владата го усвои ребалансот на Буџетот
-
„Таков каков што сум’’ - aвтобиографија на бизнисменот Кочо Анѓушев
-
Инцидент во Советот на Општина Кочани - советникот Акиов повреди вработена
-
Во кој суд ќе им се суди на обвинетите за пожарот во „Пулс“?
-
Клековски: Повредени од трагедијата во Kочани да не бараат консултации и процедури надвор од утврдените протоколи
-
Владата го усвои ребалансот на Буџетот