Народната банка одбележува 70 години постоење
Народната банка денеска одбележува 70 години од централнобанкарските активности во Република Македонија.
По тој повод вечер НБРМ организира свеченост, на која гувернерот Димитар Богов во име на банката ќе прими орден за заслуги за Македонија од претседателот на државата Ѓорге Иванов, соопшти НБРМ.
НБРМ е основен носител и спроведувач на централнобанкарското работење на Република Македонија почнувајќи од донесување на Уредбата за спојување на кредитните претпријатија од државниот сектор, донесена на 25 септември 1946 година, со која Македонската стопанска банка станала Централа на Народната банка на ФНРЈ за Народна Република Македонија и од нејзиното фактичко спојување со Народната банка на ФНРЈ на 19 октомври 1946 година.
По прогласување на независноста на РМ, на 26 април 1992 година е донесена Одлуката за монетарно осамостојување на Република Македонија, чии составни делови беа и Законот за Народната банка на Република Македонија, Законот за паричната единица и Законот за употреба на паричната единица, кои ја воспоставија рамката за непречено функционирање на централната банка како независна, емисиона банка на суверена и самостојна Македонија.
Денес Народната банка на Република Македонија е во постојан професионален напор за праведно, одмерено и недискриминаторско опслужување на потребите на македонското општество, водејќи прудентна монетарна политика којашто обезбедува ценовна стабилност преку стабилен курс на македонската национална валута и стабилен банкарски сектор.
Ново на Сител
-
1425 сообраќајни прекршоци изминатите два дена на територија на цела држава, 333 за брзо возење
-
Ужас во Охрид: 50-годишник повеќе пати силувал девојче кое не наполнило 15 години, девојчето се породило во март
-
Незапаметен случај на лихварство во Охрид: Маж (35) и жена (39) изнудиле 1.160.000 евра
-
Српски воен падобранец загина по скок со падобран
-
Мајкл О’Флаерти: Северна Македонија да продолжи со посветеност на правата на Ромите
-
РСБСП апелира за безбедно и одговорно учество во сообраќајот за време на првомајските празници
-
Почина Николче Здравески, легендата на прилепскиот фудбал
-
Трамп одбележа 100 дена на власт со голем митинг полн со критики кон другите и пофалби за себе