Нападот со нервен агенс може трајно да ги оштетил умствените способности на Сергеј и Јулија Скрипал
Нападот со невротоксична материја врз поранешниот руски двоен агент Сергеј Скрипал и неговата ќерка Јулија може да нанел тешки повреди на нивните умствени способности и не е јасно дали тие ќе можат да се обноват, изјави британски судија.
Лондонски суд денеска дозволи да се земат примероци од крвта на поранешниот шпион и неговата ќерка, за да бидат испитани од страна на експерти за хемиско оружје и да се потврди заклучокот на британската лабораторија за воени истражувања Портон Даун.
Образложувајќи ја својата одлука, судијата Дејвид Вилијамс рече дека според неименуван советник, кој ги лекува таткото и ќерката, Сергеј и Јулија Скрипал се под силни седативи, некомуникативни се и невозможно е да се каже кога и до кој степен тие можат да ги обноват своите ментални способности.
Двајцата се во стабилна физичка состојба и се лекувани врз основа на претпоставката дека би сакале да останат живи, рекол консултантот според судијата од Лондонскиот суд за заштита, кој донесува одлуки за состојбата на луѓето кои не се во можност тоа да го прават сами.
Според неименуван аналитичар од Портон Даун, примероците крв земени од Сергеј и Јулија Скрипал покажале дека биле изложени на невротоксичен реагенс. Примероците покажале присуство на невротоксична материја од типот на „Новичок“ или многу близок до него реагенс, стои во судиската одлука.
Ново на Сител
-
Изборниот штаб на Харис го обвини Трамп дека се обидува да ги промени условите на дебатата во своја корист
-
Курти в понеделник во Скопје на средба со премиерот Мицкоски
-
Американската амбасада во Бејрут и британската Влада ги повика своите граѓани да го напуштат Либан
-
Гром удри на плажа во Италија, повредени најмалку три лица
-
Украинската војска соопшти дека потопила руска подморница и предизвикала значителна штета на ПВО систем С-400
-
Ангелов: Имаме шест активни пожари, дождот не ни е од голема корист бидејќи ги промаши критичните пожари
-
МНР за случајот со косовската претседателка: Побарани се информации од надлежните институции, ќе се преземат мерки во иднина да се избегнуваат вакви ситуации
-
Во Косово уапсени пет лица осомничени за тешки воени злосторства врз цивили Албанци во 1999 година