„Накитот низ вековите“ - изложба во Народниот музеј во Велес
Во Народниот музеј во Велес синоќа беше отворена несекојдневна изложба на накит насловена „Накитот низ вековите“. Авторката Анита Василкова-Мидоска, виш кустос археолог, на отворањето рече дека целта на изложбата е да се претстави краток осврт на накитот и другите археолошки предмети кои на суптилен начин ја допираат сферата на украсувањето и китењето.
- Предметите кои се изложени опфаќаат период од неколку милениуми, од најстарите манифестации на украсување презентирани преку предметите од неолитскиот период, преку предметите од железно време и антиката, па се до предметите од средниот век. Како епилог на целокупната концепција се претставени и предмети кои припаѓаат на последните два века од развојот на човештвото, а кои експлицитно ја потврдуваат идејата дека накитот е еден од најдолготрајните импулси на рефлексиите на човековата природа од аспект на утилитарнста, религиозноста и естетиката, рече Василкова-Мидоска.
Изложбата ја промовираше Елица Николова, директор на Народен музеј Велес. Таа соопшти дека предметите на изложбата се од археолошката збирка на Музејот во Велес надополнети и со неколку примероци од Етнолошката збирка.
- Со илјадници години човекот создава накит и го носи, со негова примарна намена да привлече внимание, да го покаже сопственото богатство и моќ... Но не секогаш накитот се создава како предмет за лично украсување, за разубавување. Тој понекогаш има практична употреба, како копчињата, брошевите, иглите за придржување на облеката, укосниците за зацврстување на фризурата...како статусен симбол или припадност кон некој етнос или група...за заштита од зло, како што се амулетите и разни други намени, додаде Николова.
Изложбата финансиски ја потпомогнаа Министерството за култура и Општина Велес, а ќе биде поставена во текот на целата 2016 година.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп