Најмалку сто талибанци загинати во воените дејствија во северен Авганистан
Акцијата на авганистанските специјални единици против талибанците во Кундуз на северот од земјата, со поддршка на НАТО, продолжува.
Талибанците вчера ја нападнаа провинцијата Кундуз од повеќе страни, по што авганистанската војска отпочна контраофанзива и ги поттисна бунтовниците.
- Со помош на специјалните сили, започнавме операција и го „исчистивме“ центарот на градот. НАТО ја поддржа копнената офанзива од воздух, изјави Мохамед Касим Џангалбах, началник на полицијата во Кундуз.
Асадула Амарил, гувернерот на провинцијата пак, потврди дека талибанците се поразени, дека меѓу нив има голем број жртви, нема веќе борби, но дека расчистувањето на теренот се уште трае.
- Луѓето би требало да им се вратат на секојдневните обврски и да одат на работа, додаде гувернерот.
Според кажувањата на Џангалбах, во предградијата на Кундуз се убиени околу сто талибанци.
- Доколку барем еден од нив се крие во куќите, ние тоа ќе го средиме, нагласи тој.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава