Најмалку петмина загинати во рударска несреќа во Иран
Најмалку петмина рудари загинаа, а уште десетици се блокирани под земја, по силната експлозија што се случи во рудник за јаглен во северниот дел на Иран.
Кон рудникот Азадшар во регионот Голестан упатени се амбулантни возила, хеликоптери и други спасувачки екипи, а иранските власти се обидуваат да го утврдат обемот на трагедијата.
- Се претпоставува дека под земја се блокирани меѓу 40 и 50 лица, наведе шефот на регионалната Дирекција за справување со кризни ситуации Садек Али Могадам.
„Прес Ти Ви“ - англискиот оддел на иранската државна телевизија јави за двајца загинати рудари, додека Ал Џезира за петмина рудари кои го изгубиле животот.
Најмалку 25 лица влегле во рудникот со цел да им укажат помош на блокираните рудари. Лицата кои досега се извадени се пренесени во болница, будејќи вдишале гас.
Претставничката на локалните власти наведе дека експлозијата се случила во 12.45 часот, по локално време.
Иранските медиуми јавија дека експлозијата се случила во момент кога работниците ја менувале работната смена.
Некои извори посочија дека станува збор за експлозија на гас.
Во рудникот Азадшар работат повеќе од 500 рудари, наведоа иранските медиуми.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден