Најмалку осум загинати, 23 повредени во гранатирање на Дамаск

Најмалку осум лица загинаа, а 23 се повредени во гранатирањето на Дамаск, јави Сана, повикувајќи се на извори во Министерството за надворешни работи на Сирија.

Осум лица загинаа и 23 се повредени во гранатирање на теориристите од правец на Источна Гута, најголемото упориште на бунтовниците недалеку од Дамаск, наведува Сана.

Во гранатирањето на Дамаск причинета е и материјална штета.

Авијацијата на сириската војска редовно ја бомбардира зоната која се граничи со главниот град.

Најсмртоносниот напад во центарот на Дамаск беше во април 2014, кога загинаа 14 и беа повредени над 80 лица. Бунтовниците тогаш гаѓаа училишен комплекс во стариот дел на градот. 

Над 260.000 лица загинаа од почетокот на судирите во Сирија во март 2011 година.