Најмалку едно лице загина во земјотресот во Пакистан

Во силниот земјотрес со интензитет од 6,1 степени според Рихтеровата скала што ги погоди Пакистан и Авганистан, загина девојче, а пет лица се повредени откако се урна покрив на куќа во едно село во пакистанската провинција Балучистан.

Пакистанските власти се уште ја проценуваат штетата во Балучистан. 

Епицентарот на земјотресот бил на планината Хиндукуш на длабочина од 191 километри.

Земјотресот е почувствуван и во главните градови на Авганистан и на Пакистан, Кабул и Исламабад, како и во главниот град на Индија, Њу Делхи и во индискиот дел на Кашмир.

Во земјотресот со интензитет од 7,6 степени според Рихтер во 2005 година во Пакистан и во Кашмир загинаа илјада луѓе.