Најмалку двајца загинаа во судир меѓу полицијата и штрајкувачи во Карачи

Најмалку две лица загинаа во судир меѓу пакистанската полиција и група штрајкувачи во градот Карачи. Во судирите се повредени осуммина штрајкувачи.

Штрајкот е организиран во знак на протест поради владините планови за приватизација на пакистанската национална авиокомпанија.

Судирот се случил кога демонстрантите се доближиле до аеродромот во јужната индустриска зона на Карачи, а полицијата го блокирала патот и употребила водени топови и солзавец.

Демонстрантите тврдат дека полицијата употребила и огнено оружје, но полициските сили ги негираат ваквите тврдења.