Најмалку 48 жртви во два самоубиствени напади во Авганистан

Најмалку 48 лица загинаа во два одвоени самоубиствени напади на талибанците во авганистанскиот главен град Кабул и провинцијата Парван.

Првиот напад се случил вчера претпладне во провинцијата Парван во кој загинале 26 лица, а 42 биле повредени.

Нападот се случил на изборен митинг на кој присуствувал и авганистанскиот претседател Ашраф Гани, кој не е повреден, а повеќето жртви биле цивили.

Веднаш по првиот напад, извршен е самоубиствен напад во близина на амбасадата на САД во Кабул, при што загинаа 22, а беа повредени 38 лица. Повеќето од жртвите и во тој напад биле цивили.

Талибанците ја презедоа одговорноста за двата напади.