Најмалку 21 загинат, а илјадници ги напуштија домовите во поплавите во Доминиканската Република
Најмалку 21 лице загина во Доминиканската Република по обилните дождови во текот на викендот, а илјадници ги напуштија своите домови, соопштија денеска доминиканските власти, пренесе Би-Би-Си.
Меѓу загинатите има и три деца, а девет Доминиканци загинаа откако обилните дождови предизвикаа уривање на ѕидот на тунелот на автопатот во главниот град Санто Доминго.
Оперативниот центар за вонредни состојби (ЦОЕ) соопшти дека дождот предизвикал поплавени домови, прекин на електричната енергија и оштетени мостови и патишта.
Доминиканскиот претседател Луис Абинадер рече дека тоа е „најголемиот дожд во историјата на земјата“, додавајќи дека наставата во училиштата е прекината до среда за да се осигура безбедноста на учениците и наставниците.
Дождот, кој е резултат на тропски циклон, се очекува да продолжи денеска во делови од земјата, соопшти Американската амбасада.
Повеќето од 32-те провинции во земјата, како што се наведува, и понатаму се под црвено-жолта метеоролошка тревога. Меѓу загинатите има четворица американски државјани и тројца од соседниот Хаити.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени