Најмалку 21 лице загина во торнадото што ја погоди сојузната држава Мисисипи во САД
Најмалку 21 лице загинаа во силно торнадо што синоќа го погоди руралниот дел на американските сојузни држави Мисисипи и Алабама, уништи згради и ја прекина струјата, откако невремето проследено со град со големина на тениско топче се прошири низ јужниот дел на САД.
Националната метеоролошка служба потврди дека торнадото предизвикало штета на околу 96 километри североисточно од Џексон, Мисисипи. Руралните градови Силвер Сити и Ролинг Форк пријавија уништување во текот на ноќта со ветрови со брзина од 113 километри на час кон Алабама, низ градовите Винона и Амори.
Најмалку 13 смртни случаи се регистрирани на околу стотина километри северозападно од Џексон во тешко погодениот округ Шарки. Уште три лица загинаа, а најмалку две лица се во критична состојба во округот Хемфрис, изјави директорот за управување со вонредни состојби Ројс Стид за Си-Ен-Ен.
Во округот Керол, три лица загинаа во еден дом, изјави судскиот вештак Марк Стајлс за Си-Ен-Ен, додавајќи дека се чини дека загинале во торнадо. Дополнително, две лица загинале во округот Монро во североисточниот дел на Мисисипи.
Националната метеоролошка служба издаде предупредување до локалното население да пронајде засолниште, велејќи дека тоа е ситуација опасна по живот и дека предметите кои ги носи ветерот може да бидат фатални за оние кои не се засолнуваат. Беше предупредено и за можни оштетувања на домови, деловни простории и возила.
Гувернерот на Мисисипи, Тејт Ривс синоќа на Твитер напиша дека екипите за пребарување и спасување се активни и дека се испраќаат дополнителни амбулантни возила и опрема.
Ново на Сител
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право