Најмалку 14 цивили загинаа при воздушни напади во Алепо

Најмалку 14 цивили загинаа при напад на сириските владини сили врз болница и станбена зграда во градот Алепо, соопштија припадниците на цивилната одбрана во градот.

Тие истакнаа дека во воздушните напади врз болницата Ал Кудс и зграда во близина во квартот Сукари загинаа најмалку 14 луѓе.

Сириската опсерваторија за човекови права потврди дека нападите биле изведени од „авиони на режимот“ и оти меѓу жртвите се и еден лекар и двајца чувари на болницата.

Организацијата со седиште во Алепо наведе дека вчера се убиени уште 11 лица во западните делови на градот.

За нападите државната сириска агенција САНА го обвини Ал Нусра фронтот, група поврзана со Ал Каеда.