Наградата во Пауербол лотаријата се искачи на 440 милиони долари

Добивката во американската лотарија Пауербол се искачи на 440 милиони долари откако ниту еден учесник не ги погоди сите шест бројки во последното извлекување вчера вечер.

Ова е деветта најголема добивка во историјата на лотаријата. Доколку наградата се падне во следното коло, добитникот ќе може да одбере да подигне 278 милиони долари одеднаш, или пак да ја добие целата сума, но преку 30 години. Во двата случаи, ќе мора да плати и значителен данок на добивката.

Најголемата Пауербол награда се падна во јануари 2016 година - износот од 1,6 милијарди долари го поделија тројца добитници во државите Калифорнија, Флорида и Тенеси. Рекордот за еден добитник изнесува 758 милиони долари, и се падна во државата Масачусетс во текот на 2017 година.

Наградниот фонд за главната добивка во другата голема американска лотарија, Мега Милионс, во моментов изнесува 343 милиони долари.