Наградата „Нансен“ за грчките спасувачи доброволци
Повеќе од 2.000 грчки спасувачи доброволци, кои минатата година спасија илјадници мигранти при нивниот обид преку Средоземно Море да стигнат до Европа, се добитници на годинешната награда „Нансен“ на Комесаријатот на ОН за бегалци (УНХЦР), соопшти организацијата.
Грчкиот спасувачки тим (ХРТ) ќе ја подели престижната награда со активистката за човекови права на Лезбос, Ефи Латсуди, која помогна во обезбедувањето сместување за илјадници бегалци на грчкиот остров, се наведува во соопштението.
УНХЦР го пофали ХРТ „поради неговиот 24-часовен напор да спаси бегалци и мигранти, кои се во неволја на море“, а Латсуди „поради нејзината грижа за најзагрозените бегалци и мигранти кои пристигнуваат на Лезбос“.
Повеќе од 850.000 луѓе, од кои мнозинството побегнале од војните во Сирија, Ирак и Авганистан, пристигнаа во текот на минатата година на грчките острови, ризикувајќи ги своите животи во небезбедните чамци со кои се превезувале.
Ново на Сител
-
До четврток облачно и дождливо, в петок пораст на температурата
-
Приватните специјализанти очекуваат новиот министер веднаш по назначувањето да ги повика на разговори
-
Тешка сообраќајка меѓу две возила, две лица повредени
-
Прегазена малолетничка во Штип
-
Куманово: Приведен 38 годишник кој допирал три малолетнички по телото
-
7-месечно бебе од Вевчани починало откако паднало на глава од креветче
-
Монструмот откако ја убил малата Данка седнал да руча во летниковецот
-
Пронајдено бебе во контејнер во близина на Загреб