Наезда од бели пеперутки во Охрид
Роеви од бели пеперутки навечер се забележуваат околу светилките во Охрид.
Според биолозите, се работи за ноќна пеперутка од видот „Euproctis chrysorrhoea“, која ја има во Охрид и Македонија и дека најверојатно оваа година дошло до нејзино пренамножување.
Директорот на Центарот за јавно здравје од Охрид Атанаско Михаилов информира дека викендов, односно во петок, сабота и недела ќе се врши дезинсекција.
- Станува збор за прскање од земја против комарци и пеперутки. За оваа акција стапивме во контакт со Ветеринарниот институт и со Министерството за земјоделство, шумарство и водостопанство со кои се конултиравме како најефикасно да ја спроведеме акцијата. Запрашувањето ќе се врши на два начина, со амортизер со подвижно возило и со моторни пумпи, изјави Михаилов.
Деновиве, појасни, било извршено пробно прскање во вечерните часови, кое се покажало ефикасно и токму заради тоа што пеперутките се активни во ноќните часови и прскањето ќе се одвива навечер.
Препаратот што ќе биде употребен за запрашување, според Михаилов, ќе биде безбеден за луѓето и околината.
Гардоначалникот Никола Бакрачески смета дека зголеменото присуство на пеперутките прететсвуваа проблем за кој треба да се заложат сите надлежни релевантни институци.
- Вчера стапив во контакт со Центарот за јавно здравје и беше договорено да се искоординираме, да комуницираат сите надлежни институции, како што се Факултетот за биологија, Управата за ветеринарни работи и сите останати за идентификација на причинителите, за изворот од каде потекнуваат, односно причините за нивната наезда во овој период од годината, за начините на дезинсекција. Се надевам дека во текот на денот или утре ќе биде подготвена стратегијата за справување со овој проблем, изјави Бакрачески.
Ново на Сител
-
Можни ли се поплави во Македонија како во Босна и Херцеговина?
-
Партиски препукувања додека струмичани немаат вода за пиење
-
Тема на денот со Владимир Божиновски, политички аналитичар
-
Клиниките ќе се спојуваат во 2026, Таравари ќе враќа лекари од приватното во државното здравство
-
Бела ноќ со француската атракција групата „Кидам“ со уличниот спектакл „Сонот на Еребер“
-
Најмалку 20 загинати во поплавите во БиХ
-
Можен распад на Европскиот фронт на ДУИ поради Мендух Тачи
-
Затворена седница за ЕУ