Над 900 терористи се неутрализирани во операциите на турската армија од почетокот на годинава

Вкупно 942 терористи се неутрализирани во различни операции спроведени од турските вооружени сили (ТСК) од почетокот на годинава, соопшти турското Министерство за национална одбрана.

- Борбата на турските вооружени сили против сите терористички групи, особено против ПКК/СНА (Курдската работничка партија/Сили за народна одбрана), Исламската држава и ФЕТО (Фетулахистичката терористичка организација) продолжува без прекин и со зголемен интензитет, информира за турските медиуми Шеки Актурк, шеф на прес-службата на Министерството за одбрана на Турција.

Само минатата недела, 50 терористи беа неутрализирани во антитерористички операции во северен Ирак и Сирија. Со тоа вкупниот број на неутрализирани терористи од почетокот на годината изнесува 942 и од 24 јули 2015 година на 38.285, рече Актурк.