На скопскиот аеродром ќе има информативни флаери за смртоносниот коронавирус

Комисијата за заразни болести на денешниот состанок заклучи дека нема потреба за ригорозни мерки околу смртоносниот коронавирус од кој во Кина досега починаа 9 лица а околу 500-тини се заразени.

Епидемиолозите одлучиле дека засега не треба да биде во функција и термалната камера на аеродромот, а за оние кои патуваат во Кина или се враќаат од земји каде го има вирусот ќе им делат информативни материјали -да не одат во областите каде е потврден вирусот, а оние кои се враќаат во земјата ако имаат респираторни симптоми каде да побараат помош.

Во меѓувреме вонреден состанок одржува и Светската здравствена организација која прави проценка дали да прогласат вонредна состојба откако опасниот вирус излезе и надвор од кинеските граници и веќе има случаи на заболени во Јапонија, Тајланд, Австралија и САД.

Сања Димитровска