На Попова Шапка најстудено -3 степени и 57 сантиметри снег

Најстудено утрово е на Попова Шапка -3 степени, а максимални 8 степени се измерени во Гевгелија.

Според УХМР, до 08:30 часот се измерени и -2 степена во Лазарополе -1 во Mаврови Анови, 0 во Крива Паланка, 1 во Берово, Kрушево, 2 во Претор, 3 во Охрид, Битола, Прилеп, Пожаране и Виница, 4 во Ѓуриште и Тополчани, 5 во Тетово, 6 во Скопје-Петровец, Демир Капија, Штип и Струмица, како и 7 степени во Кавадарци, Скопје-Зајчев Рид и Велес.

На Попова Шапка во 7 часот висината на снежната покривка била 57 сантиметри.

Времето денеска ќе биде променливо облачно, попладне ќе има повремени локални врнежи од дожд. Ќе дува слаб до умерен ветер од северен правец. Максималната температура ќе биде во интервал од 9 до 15 степени. Во Скопје, променливо облачно. Попладне во делови од котлината ќе има услови за повремен слаб дожд. Ќе дува слаб до умерен ветер од северен правец. Максималната температура ќе достигне до 15 степени.

МИА