На листата на Интерпол 22 лица од Косово

Интрерпол, освен по поранешниот косовски премиер Рамуш Харадинај, уапсен неодамна во Франција на барање на Србија, трага по уште 21 лице од Косово, јавија косовски медиуми.

Првично на листата на Интерпол по барање на Србија биле вклучени 157 косовски граѓани, но подоцна нивната бројка е намалена на 22. 

По апсењето на Харадинај, по наредба на Владата, косовската полиција ги побара од Интерпол имињата на косовските државјани, по кои се трага. 

Освен Харадинај, на листата се и поранешниот командант на штабот на Армијата за ослободување на Косово Азем Сулја и Фадил Сулевич, висок функционер во косовската полиција.