На Голем Крчин и годинава ќе се отслужи божествена утринска литургија
Братството од Бигорскиот манастир и сестринството на манастирот „Свети Георгиј Побдоносец“ од дебарското село Рајчица и оваа година, на 18 август, ќе го организираат најатрактивното искачување на врвот Голем Крчин, што се наоѓа на надморска височина од 2.341 метри, каде ќе се отслужи божествена утринска литургија.
– Исто како и минатата година, наша цел е на врвот на Голем Крчин рано наутро да отслужиме Света Литургија и да се обидеме да ги видиме висините низ една друга перспектива. Оваа година повторно, заради обезбедување на групата, ќе биде присутна и Единица за спасување на планини и непристапни терени при Црвениот крст од Охрид. Меѓу другото, сите планинарски и алпинистички клубови кои ќе земат учество, доколку сакаат, можат да го помогнат настанот со тоа што ќе пријават и лиценцирани планинарски водичи, со официјално призната лиценца од МАИВП или ФПСМ. Координатор меѓу сите водичи ќе биде лице од манастирот. Патеката е со средна тежина и искачувањето трае околу четири часа. Панирани се попатни кратки одмори на места каде што има извори со вода, од кои последниот е на средината од патеката, односно кај првата црква. Пријавувањето за учество е задолжително, вели сестра Ефимија, додавајќи дека заинтересираните може да го пријават учеството на телефонскиот број 070 290 210.
Времето на собирање и поаѓање е во 2:30, односно 3:00 часот. Пристигнување на врвот е предвидено за во утринските часови. Место на собирање е пред поранешната караула во село Битуше, односно од пред скитот во изградба, посветен на Светите Кирил и Методиј. Враќањето е организирано со поаѓање од врвот Голем Крчин веднаш по завршувањето на богослужбата.
– Ги замолуваме сите учесници да присуствуваат на заедничкиот манастирски ручек во Бигорскиот манастир, кој ќе биде послужен околу 13 чаот. Секој учесник е должен да ги почитува правилата и насоките на организаторот и водичите, во спротивно сам е одговорен за несаканите последици. Наведениот настан е организиран и движењето се одвива во група предводена од организаторот и водичите. Организаторот и водичите имаат право да исклучат член пред почетокот на настанот, доколку не ги исполнува наведените услови и не ја поседува соодветната опрема за предвиденото патување. Секој учесник може да биде исклучен од групата поради недолично однесување. Организаторот и водичите го задржуваат правото на измени на термините и редоследот на настанот во зависност од временските услови и останатите технички препреки, додаваат од манастирот Бигорски.
Традицијата што ја почнаа монасите и монахињите пред четири години по повод големиот празник Преображение, станува еден од најомилените настани, што од година во година привлекува се поголем број верници.
Ново на Сител
-
Дрво падна врз жена во центарот на Скопје, УХМР најавува невреме низ целата држава
-
Дали движењето ЗНАМ ќе ја напушти владејачката коалиција?
-
Македонското знаме повторно се вее на Голем Кораб
-
Самарас: Грција да најде начин да се повлече од Преспа
-
На министерката за енергетика и е прифатено барањето за откажување од бугарското државјанство
-
Македонија на петто место во Европа по одлив на мозоци
-
Деспотовски поднесе оставка од ТИРЗ, ќе се посвети на политичката кариера
-
Газдите бараат градежните работници да работат и недела и празници, а се жалат дека нема кадар