-->
-->
На фудбалски меч во Ангола настрадаа 17 лица
-->
Најмалку 17 луѓе загинале а уште десетици се сериозно повредени во стампедо на фудбалски стадион во Ангола во петокот кога стотици навивачи се втурнале кон влезовите за да го следат натпреварот меѓу две локални екипи, објавија во саботата медицински извори.
Стампедото се случило во градот Уиге, на северот од Ангола, соопштија локални функционери.
„Луѓето загинале од задушување како резултат на притисокот од толпата. Некои газеле врз другите. Вкупно настрадале 76 луѓе, од кои 17 починаа“, изјавил за Reuters директорот на локалната болница, Ернесто Луис.
Според англиските и португалските медиуми, меѓу жртвите има и деца.
Стотици други се здобиле со полесни повреди кога навивачите навалиле на влезовите бидејќи не успеале да влезат на мечот на локалниот клуб Санта Рита де Касиа против гостинската екипа на Рекреативо ди Либоло’с.
И покрај инцидентот, натпреварот не бил одложен, а славеле гостите со 1-0.
Според очевидци, толпата навивачи се обидувала да влезе на стадионот кој има капацитет од 8.000 гледачи.
На интернет страницата на клубот Рекреативо ди Либоло’с се наведува дека се случила „трагедија без преседан во историјата на фудбалот во Ангола“.
Претседателот на Ангола, Хозе Едуардо дош Сантош наредил истрага за несреќата, пренесуваат медиумите повикувајќи се на неговиот кабинет.
-->
-->
-->
Ново на Сител
-
Русија утринава почнала масовен ракетен и напад со дронови врз Украина
-
ЛШ: ПСЖ ја пречекува Борусија и се надева на второ финале
-
„АстраЗенека“ ја повлекува од пазарот во ЕУ својата вакцина против Ковид-19, неколку месеци по признавањето за нуспојави
-
Одложено судењето на Трамп за тајните документи, датум за продолжување на процесот не е утврден
-
Двојните избори ги следат 1303 домашни и 860 странски набљудувачи, акредитирани за известување се и 83 странски новинари
-
Упатство за гласање
-
Отворени избирачките места
-
Право на глас на претседателските избори имаат 1.814.317, а на парламентарните 1.815.350 гласачи