На битолскиот универзитет во првиот уписен рок пријавени 1.300 бруцоши
Универзитетот „Св. Климент Охридски”-Битола во првиот уписен рок евидентира 1.300 заинтересирани кандидати за студирање во прва година и тоа се 35 отсто од вкупниот број понудени места за упис, информираат од Ректоратот на овој Универзитет.
На денешната прес конференција во Битола, проректорот за настава, професор д-р Сашо Атанасоски истакна дека огласени биле 3.803 места и постигнат е идентичен интерес за упис како и во минатата година.
- Задоволни сме од реализацијата на првиот уписен рок. Процентот на реализација од 35 отсто ветува дека по вториот и третиот уписен рок ќе имаме очекуван број на студенти во прва година кои би ја достигнале бројката од околу 2.500 студенти и тоа се реалните можности за упис на студенти на прв циклус студии, посочи проректорот Атанасоски.
Новата генерација студенти на Универзитетот „Св.Климент Охридски“-Битола најголем интерес за упис покажала за Факултетот за безбедност во Скопје и Факултетот за туризам и угостителство во Охрид, потврдуваат од Ректоратот во Битола.
- Процентуално и според бројот на пријавени најголем интерес за упис регистриравме за Факултетот за безбедност во Скопје каде пријавени се 217 кандидати и на Факултетот за туризам и угостителство во Охрид каде се пријавени 177 студенти. На останатите универзитетски единици интересот за студирање се движи од 25 до 35 насто што е во рамките на очекуваното ниво. Инаку и оваа година највисоко рангираните студенти ќе бидат ослободени од плаќање партиципација, нагласи Атанасоски.
Универзитетот „Св.Климент Охридски“-Битола денеска ги објави и конкурсите за упис на студенти во втор циклус студии (магистерски и стручно специјалистички студии) за што огласени се 1.185 места, како и за трет циклус студии (докторски студии) за што се огласени 111 места за 18 студиски програми.
Ново на Сител
-
За кокаин и убиства по нарачка шестмина членови на криминалната група Грчец осудени на вкупно 50 и пол години затвор
-
УХМР: Следните два дена топло, потоа локален пороен дожд и ветер
-
Нелегално оружје и муниција одземени од стружанец, за дел поседувал дозвола
-
Три месеци затвор за убиството на кучето Феликс
-
Лекар во Струшката болница го оштетил буџетот на установата за два милиони денари
-
Кривична за дебранец за недозволено изработување и трговија со оружје и муниција
-
Лим од заштитна ограда на градилиште падна врз велосипедист кај „Беко“
-
Го фатила за врат снимателот и му ја оштетила камерата, на новинарот му го одзеле и фрлиле телефонот, обвинение за нападот во Визбегово