На Битолскиот универзитет слободни 2.667 места во вториот уписен рок
Универзитетот „Св.Климент Охридски“-Битола објави 2.667 слободни места за студенти бруцоши кои ќе може да се пријавуваат на 2 и 3 септември за студирање на прв циклус студии.
Втор уписен рок ќе се врши на сите високообразовни институции, а најмногу слободни места има на Факултетот за информатички и комуникациски технологии-ФИКТ во Битола и дисперзираните студии во Велес и Прилеп каде може да се запишат 516 студенти.
Според дополнителниот конкурс за упис на студенти на Техничкиот факултет-Битола има место за уште 426 студенти, на Факултетот за туризам и угостителство може да се запишат уште 229 студенти, на Економскиот факултет во Прилеп-327, Факултетот за биотехнички науки може да запише 203, а Високата медицинска школа огласи 172 слободни места.
Нови бруцоши може да се запишуваат и на Факултетот за безбедност (193 слободни места), на Правен факултет-Кичево (274), Технолошко-технички факултет-Велес (242), а најмалку слободни места има на Педагошки факултет-Битола (50) и на Ветеринарен факултет-Битола каде може да се врачат уште 35 индекси.
Од 2.667 слободни места, 1.142 се за студирање во државна квота, 848 се за студирање со партиципација, а 677 кандидати ќе може да се запишат во категоријата вонредни студенти, информираат од Универзитетот „Св.Климент Охридски“-Битола.
Ново на Сител
-
Најмалку десет загинати и 11 повредени во експлозија на бензинска пумпа во Русија
-
Македонката Наташа Соврановски која исчезна во Германија е пронајдена мртва
-
АХВ: Спроведени вонредни контроли и во Кавадарци
-
Честитка од претседателката Сиљановска Давкова по повод Денот на Бошњаците
-
Лавров: Блискиот Исток е на работ на тотална војна
-
Знаци што телото ги праќа ако се внесува премногу додаден шеќер
-
Австралијката МекКион постави светски рекорд на 100 метри грбно
-
Трет пораз на Еурофарм Пелистер во Лигата на шампиони