На Битолскиот универзитет на првиот уписен рок пријавени 1.090 кандидати
Универзитетот „Св.Климент Охридски“ – Битола (УКЛО) го заврши првиот уписен рок за студенти бруцоши во наредната академска година кој се реализираше од 15. до 17. август.
- УКЛО вршеше упис на 11 високообразовни институции, каде беа понудени 50 студиски програми за 3.543 бруцоши. Реализацијата на овој дел од уписната кампања за сите заинтересирани кандидати се одвиваше непречено и заклучно со завршниот ден пријавени се 1.090 кандидати, истакна Елизабета Атанасоска, советник во секторот за ОСЈ при УКЛО-Битола.
Прелиминарната ранг листа од приот уписен рок за студенти во прва година ќе биде објавена на 22. август, а решенија за прием на кандидатите на 24. август.
- Запишувањето на примените студенти од првиот уписен рок ќе се реализира на 25. и 26. август. По завршувањето на уписите, УКЛО ќе ги објави слободните места на секоја единица за вториот уписен рок што ќе се реализира на 1. и 2. септември на кој право за упис имаат и кандидати со училишна матура и завршен испит. Износот за партиципација е 200 евра во државна квота, 100 евра зa дисперзираните студии и од 100 до 400 евра за кофинансирање и за вонредни студии, потврди Атанасоска.
Универзитетот „Св. Климент Охридски“ – Битола, доколку е потребно, ќе спроведе и трет уписен рок на 14. септември или на ден пред почетокот на новата академска година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово