МЗТ Скопје на чекор до 7-ма титула
Кошаркарите на МЗТ Скопје Аеродром дојдоа само на еден чекор до освојување на седмата шампионска титула, откако вечерва, како гости, го совладаа големиот ривал Работнички (69-60) и поведоа со 2-0 во финалната плејоф-серија што се игра до три победи.
Клучно за победата беше фантастичната серија 12-0 во последната четвртина, во која МЗТ направи целосен резултатски пресврт и негативата од четири поени ја претвори во позитива од 62-54, што се покажа како доволно за конечен успех иако противникот имаше двоцифрена предност (11-21).
Дамјан Стојановски одигра капитенски и со 16 поени и 10 скока беше најефикасен во победничкиот тим. Тој постигна дури осум поени во клучната серија на крајот која го донесе посакуваниот триумф за гостите . Иве Иванов средбата ја заврши со 10 поени и девет скока, а двоцифрен поентерески ефект имаше и Лестер Медфорд со 10 поени. Предраг Самарџиски и Марко Симоновски постигнаа по девет, а Џејмс Вудард седум поени.
Првата можност за прослава на седмата титула МЗТ ќе ја има веќе задутре, кога ќе се одигра третиот финален меч и тоа во „Јане Сандански“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово